पाख्रिबासमा कार दुर्घटना,दुई जना घाइते
धनकुटा,११ मंसिर । धनकुटाको पाख्रिबासमा कार दुर्घटना हुंदा दुई जना घाइते भएका छन् ।
घाइते हुनेमा जिल्लाको पाख्रिबास नगरपालिका ४ का ५३ बर्षिया जिवन श्रेष्ठ र उहांकी छोरी २३ बर्षिया जुनु श्रेष्ठ रहेका छन् ।
आज बिहान पाख्रिबास नगरपालिका ५ स्थित मांग्मायामा पाख्रिबासबाट भोजपुर तर्फ जांदै गरेको घाइतेद्वय सवार बा ५ च ३६८४ नम्बरको कार र भोजपुरबाट बिराटनगर तर्फ जांदै गरेको प्रदेश १-०२-००२ ख ०६०२ नम्बरको लोबेड ट्रक एक आपसमा ठोक्किइ दुर्घटना भएको इलाका प्रहरी कार्यालय पाख्रिबासले जनाएको छ ।
दुर्घटनामा घाइते दुबैको उपचारका लागि न्यूरो अस्पताल विराटनगर तर्फ पठाइएको प्रहरीले जनाएको छ ।
ट्रक चालक मोरङको कानेपोखरी गाउँपालिका-४ बयरवनका ३६ वर्षीय छत्र परियारलाई प्रहरीले नियन्त्रणमा लिएको छ ।
