मोरङ् उर्लाबारीका निरौलाको साउदी अरबमा निधन
मोरङ् । मोरङ्को उर्लाबारी नगरपालिका वडा नम्बर २ भुसी (लामपाते सिमसार छेउ) निवासी टंकबहादुर निरौलाका छोरा रोहित निरौलाको साउदी अरबमा अल्पायुमै निधन भएको छ ।
२७ वर्षिया रोहितको गत पुष १९ गते साउदी अरबस्थित वेबदा अस्पतालमा उपचारका क्रममा निधन भएको परिवारस्रोतले जनाएको छ ।
करिब २७ महिना अघि रोजगारीका लागि साउदी पुगेका निरौला अचानक बिरामी परेपछि अस्पताल भर्ना भएका थिए । ” अस्पतालमा करिब ७/ ८ दिन भेन्टिलेटरमा उपचाररत रहँदा उनको ब्लड क्यान्सरका कारण निधन भयो ।”-स्रोत:बेतना दैनिक
