संखुवासभाको धर्मदेबी ३ स्थित मुढे बजार आइपुगे रास्वपा वरिष्ठ नेता बालेन शाह
संखुवासभा,१० माघ । काठमाडौं महानगरपालिकाका पूर्व मेयर तथा राष्ट्रिय स्वतन्त्र पार्टी (रास्वपा) का वरिष्ठ नेता बालेन शाह आज शनिबार संखुवासभाको धर्मदेबी नगरपालिका–३ स्थित मुढे बजार आइपुगेका छन्।
फागुन २१ गते हुने निर्वाचनको प्रचारप्रसार कार्यक्रम अन्तर्गत झापाबाट इलाम हुँदै पाथीभराको दर्शन सम्पन्न गरी तेह्रथुमका विभिन्न कार्यक्रममा सहभागी भएका शाह आज संखुवासभा प्रवेश गरेका हुन्।
मुढे बजारमा आइपुगेपछि उनले रास्वपा संखुवासभाका स्थानीय नेता तथा उम्मेदवारहरूसँग मुढेमा रहेको सूर्य होटलमा भेटघाट गरेका छन्।
भेटघाटपछि शाह पुनः तेह्रथुमतर्फ फर्किएका छन्। तेह्रथुमको म्याङ्लुङ र बसन्तपुर क्षेत्रमा उनले सर्वसाधारण, नेता तथा कार्यकर्तासँग खुला भेटघाट गर्दै जनताको प्रतिक्रिया सुनेका बालेनले धर्मदेबी नगरपालिका क्षेत्रमा भने सर्वसाधारणले भेट्न चाहँदा पनि सुरक्षाको विषयलाई कारण देखाउँदै उनले प्रत्यक्ष भेटघाट नगरी फर्किएका छन् ।
बालेन शाहलाई भेट्न भनेर बिहानै मुढे बजार आएर कुरेका समर्थकलाई समेत सुरक्षा व्यवस्थापनका कारण देखाउदै शाह नभेटी फर्किएका छन् ।
शाह आफू पहिलो पटक संखुवासभा आएपनि संखुवासभाको बारेमा रुद्राक्षमा परिचित रहेको र पर्यटन क्षेत्रमा ठूलो सम्भावना भएको जानकारी रहेको स्मरण गराउदै करोडौं नेपालिहरु यहाँ आउने वातावरण बनाउन उम्मेदवार मिङमा शेर्पालाई अनुरोध समेत गर्नुभएको छ।
मुढे बजारमा भएको छोटो बसाइका क्रममा स्थानीय मतदाता तथा समर्थकहरूको उल्लेख्य चासो देखिएको थियो।
