धनकुटाको पाख्रीवासमा समाजसेवी,जेष्ठ नागरिक र कृषकहरुलाई सम्मान
धनकुटा । धनकुटाको पाख्रीवास नगरपालिका ८ नं वडा कार्यालयले आज वडाका समाजसेवी,जेष्ठ नागरिक र कृषकहरुलाई सम्मान गरेको छ ।
वडाले एक कार्यक्रमको आयोजना गरि ८० जनालाई सम्मान गरेको हो। वडा नं ८ का वडाध्यक्ष गजेन्द्र बहादुर राईको अध्यक्षतामा भएको कार्यक्रममा समाजसेवी,जेष्ठ नागरिक तथा कृषकहरुलाई करुवा प्रदान गर्दै खदा ओढाएर सम्मान गरिएको हो ।
सम्मानित हुनुहुने व्यक्तित्वहरुलाई वडाध्यक्ष राई सहित वडा सदस्य गंगादेव राई,हेम गिरी,रेखा काफ्ले,रुपा परियार लगायतले खदा लगाई करुवा प्रदान गरि सम्मान गरेका थिए ।
कार्यक्रमको उद्देश्यको वारेमा वडा सदस्य गिरीले स्पष्ट पार्नु भएको थियाो भने स्वागत मन्तव्य वडा सदस्य गंगादेव राईले राख्नु भएको थियो । वडाको सम्मानले आफुहरुलाई खुशी लागेको र प्राेत्साहित गरेको सम्मानित जेष्ठ नागरिक तथा कृषकहरुले बताएका छन् ।
