धनकुटामा मतगणना सुरु
धनकुटा, २२ फागुन । धनकुटामा प्रतिनिधिसभा निर्वाचन अन्तर्गत मतगणना सुरू भएको छ।
धनकुटाकाे सामुदायिक भवनमा रहेको मुख्य निर्वाचन अधिकृतकाे कार्यालयमा मत गणना सुरू भएको हो।
धनकुटामा रहेका १ सय १९ मतदान स्थलका १ सय ६६ मतदान केन्द्रमा शान्तिपूर्ण रूपमा मतदान सम्पन्न भएको थियो।
जिल्लामा कुल १ लाख १८ हजार ४ सय २५ मतदाता रहेकोमा ५४.४५ प्रतिशत अर्थात् ६४ हजार ४ सय ९० जनाले मतदान गरेका छन्।
कुल मतदातामध्ये ५९ हजार ४ सय ८३ पुरुष र ५८ हजार ९ सय ४२ महिला छन्। तीमध्ये ३२ हजार १ सय ५६ पुरुष र ३२ हजार ३ सय ३४ महिला मतदाताले मतदानमा सहभागिता जनाएका थिए।
