धनकुटामा समुदाय–प्रहरी साझेदारी अन्तर्गत सचेतनामूलक कार्यक्रम सम्पन्न
धनकुटा । जिल्ला प्रहरी कार्यालय धनकुटाले समुदाय–प्रहरी साझेदारी कार्यक्रम अन्तर्गत विद्यार्थीसँग सचेतनामूलक अन्तरक्रिया कार्यक्रम सम्पन्न गरेको छ।
धनकुटा नगरपालिका–६ स्थित बाल संसार विद्यालयमा आयोजित कार्यक्रममा कक्षा ८ र ९ मा अध्ययनरत विद्यार्थीहरू सहभागी भएका थिए।
प्रहरी निरीक्षक पाण्डव कुमार राजवंशीको कमाण्डमा खटिएको प्रहरी टोलीले विद्यालय सम्पर्क कार्यक्रम अन्तर्गत बालबालिकाको राष्ट्रिय तथा अन्तर्राष्ट्रिय हकअधिकार, साइबर अपराध, बाल यौन दुर्व्यवहार लगायतका विषयमा जनचेतनामूलक जानकारी प्रदान गरेको जिल्ला प्रहरी कार्यालय धनकुटाले जनाएको छ।
