नेपाल पत्रकार महासंघ धनकुटाको १३औँ वार्षिक साधारणसभा जौटारमा सम्पन्न
धनकुटा । नेपाल पत्रकार महासंघ धनकुटा शाखाको १३औँ वार्षिक साधारणसभा पाख्रिबास नगरपालिका–३ जौटारमा सम्पन्न भएको छ ।
साधारणसभामा पाख्रिबास नगरपालिकाका नगरप्रमुख ज्ञानबहादुर गुरुङ, महासंघका केन्द्रीय सदस्य कमल रिमाल, महालक्ष्मी नगरपालिकाका पूर्व नगरप्रमुख पर्शुराम नेपाल, नेकपाका धनकुटा संयोजक कुसुम श्रेष्ठ, नेपाली कांग्रेस धनकुटाका जिल्ला सभापति दिनेश राई, कोशी प्रदेश सचिव अरविन्द मेहता लगायत विभिन्न व्यक्तित्वहरूको उपस्थिति रहेको थियो ।
त्यसैगरी महासंघका पूर्व केन्द्रीय सदस्य सरिता बराइली, संस्थापक अध्यक्ष सञ्जय सन्तोषी राई तथा पूर्व अध्यक्षहरू विजय सन्तोषी राई र राजेश्वर बहादुर श्रेष्ठ को समेत सहभागिता रहेको थियो ।
नेपाल पत्रकार महासंघ धनकुटा शाखा का अध्यक्ष विदुर खवास को अध्यक्षतामा सम्पन्न कार्यक्रमको सञ्चालन सचिव हरिबहादुर लम्जेल ले गर्नुभएको थियो ।
सोही अवसरमा शुक्रबारदेखि धनकुटामा सञ्चालन भइरहेको मोबाइल पत्रकारिता तथा मल्टिमिडिया तालिमका सहभागीहरूलाई दोस्रो दिन प्रयोगात्मक अभ्यासका लागि जौटार ल्याइएको थियो । कार्यक्रममा सहभागी पत्रकारहरूका लागि वनभोज कार्यक्रमसमेत आयोजना गरिएको थियो ।
अध्यक्ष खवासले जौटार क्षेत्रको विकास तथा पर्यटन प्रवर्द्धनमा टेवा पुगोस् भन्ने उद्देश्यले साधारणसभा, पत्रकार तालिमको प्रयोगात्मक अभ्यास तथा वनभोज कार्यक्रम एकै स्थानमा आयोजना गरिएको बताउनुभयो ।
