रास्वपा पाख्रीबास नगर समितिको प्रथम अधिवेशन सम्पन्न, सभापतिमा विष्णु विक्रम निरौला सर्वसम्मत
धनकुटा,१५ जेठ । राष्ट्रिय स्वतन्त्र पार्टी (रास्वपा) पाख्रीबास नगर समितिको प्रथम ऐतिहासिक नगर अधिवेशन जेठ १४ मा सम्पन्न भएको छ। अधिवेशनले विष्णु विक्रम निरौलाको सभापतित्वमा १३ सदस्यीय नयाँ नगर समिति सर्वसम्मत रूपमा चयन गरेको छ।
नवनिर्वाचित समितिको उपसभापतिमा बबिता विश्वकर्मा, सचिवमा अनिल आले तथा सह–सचिव एवं संगठन विभाग प्रमुखमा किरण थापा चयन भएका छन्।
त्यसैगरी सदस्यहरूमा मनमाया (मनिषा) बस्नेत, किरण खत्री, भिम प्रसाद अधिकारी, मोहन बहादुर कार्की, तोर्ण निरौला, कमल गहतराज, सुशीला बस्नेत, नारायण सापकोटा र सरस्वती लामिछाने चयन भएका छन्।
अधिवेशनको उद्घाटन कोशी प्रदेश महामन्त्री, संगठन विभाग प्रमुख तथा सांसद लालबिक्रम थापाले गरेका थिए। खुला सत्रको सभापतित्व अधिवेशन आयोजक समितिका अध्यक्ष मणिराज भुजेलले गरेका थिए।
यस्तै, बन्द सत्रमा निर्वाचन समितिका संयोजक शम्भु प्रसाद पाण्डेको संयोजकत्वमा प्रतिनिधिहरूको सर्वसम्मत चयन गरिएको थियो।
अधिवेशनमा सहभागीहरूले नवनिर्वाचित पदाधिकारी तथा सदस्यहरूलाई बधाई दिँदै सफल कार्यकालको शुभकामना व्यक्त गरेका छन्।
