रबि लामिछानेले गरे धार्मिक अगुवाहरूसँग छलफल
काठमाडौं, १५ साउन । राष्ट्रिय स्वतन्त्र पार्टीका सभापति रबि लामिछानेले देवानगञ्ज घटना पछिको उत्पन्न परिस्थित सम्हाल्न आज पनि पहलकदमी जारी राखेका छन ।
रास्वपाका प्रमुख सचेतक प्रकाश चन्द्र परियारका अनुसार सभापति लामिछानेले आज धार्मिक अगुवाहरुसँग छलफल गरिरहेका छन् ।
प्रधानमन्त्री बालेन्द्र शाहले धार्मिक र सामाजिक सदभाव कायम गर्नका लागि पहलकदमी नगरिरहेको बेला सभापति लामिछानेले गत बुधवार सर्बदलीय बैठक बोलाउने देखी हिजो तराई मधेस केन्द्रित दलका नेताहरूसँग पनि छलफल गरेका थिए ।
उनले आज बिभिन्न धार्मिक समुदायका अगुवाहरूसँग छलफल गरेका हुन् ।
गत अाइतवार देवानगञ्जमा भएकाे झडपमा २ जना र हिजाे सिरहामा भएकाे झडपमा १ जनाकाे ज्यान गए पछि यतिखेर मधेस प्रदेश पुरै अाक्रान्त रहेकाे छ।
