बाढीमा परी हराएकाहरू मध्ये अहिलेसम्म १८ को शव फेला
काठमाडौं, १० भदौं । भोटेकोशीमा आएको आकस्मिक बाढीका कारण अहिलेसम्म कम्तीमा १८ जनाको मृत्यु भएको पुष्टी भएको छ ।
तिब्बत क्षेत्रवाट नेपाल पसेको बाढी पछि भोटेकोशी र त्रिशुली नदीका तटीय क्षेत्रमा ब्यापक क्षति पुरयाउँदा सयौं सयौं व्यक्ति बेपत्ता भएका छन्।
प्रहरीका अनुसार रसुवामा एक जना, नुवाकोटमा सात जना, धादिङमा छ जना र गोरखामा चार जनाको शव फेला परेको हो ।
पर्यटन बोर्डले २९१ विदेशी नागरिकसहित करिब ४०० जना पर्यटक बेपत्ता भएको पहिचान गरेको जनाएको छ भने चीनको सरकारी सञ्चारमाध्यम सीसीटीभीले चीनको नियन्त्रणमा रहेको तिब्बतमा पनि ठूलो जनधनको क्षति भएको रिपोर्टिङ गरिरहेको छ ।
परराष्ट्र मन्त्रीका अनुसार प्रारम्भिक जानकारीले भूकम्पका कारण हिमपहिरो जाँदा यो विपद् निम्तिएको सङ्केत गरेको छ भने नेपालस्थित अमेरिकी दूतावासले अधिकारीहरूले रसुवामा भीषण बाढी आएको जानकारी दिएको तथा भोटेकोशी, त्रिशूली र नारायणी नदी किनारका बस्तीहरूका लागि चेतावनी जारी गरेको जनाएको छ।
