पर्यटन बोर्डले भन्यो, ‘अझै ६४४ पर्यटक बेपत्ता छन, सबैभन्दा बढी भारतीय’
काठमाडौं, ११ भदौं । भोटेकोशी नदीमा आएको बाढीका कारण सम्पर्कविहीन हुने पर्यटक संख्या ६४४ पुगेको छ ।
नेपाल पर्यटन बोर्डले अपरान्ह १२ः०० बजेसम्म गरेको पछिल्लो अपडेट अनुसार ३३ देशका ६४४ पर्यटक सम्पर्कभन्दा बाहिर रहेका छन् ।
पर्यटन बोर्डले सार्बजनिक गरेको सुची अनुसार अनुसार सबैभन्दा धेरै भारतीय पर्यटक १७८ सम्पर्कविहीन छन् भने नेपाली पर्यटक पनि अझै १२७ जना सम्पर्क बाहिर रहेका छन् ।
साथै, संयुक्त राज्य अमेरिका पर्यटक ६५, युक्रेनका ५३ पर्यटक पनि हिजो देखी सम्पर्कमा आउन सकेका छैनन् ।
सुची अनुसार क्रमशः मलेसियाका ५१, अष्ट्रेलियाका ३५, बेलायतका ३३ र क्यानडाका २५ पर्यटक वेपत्ता रहेको तथ्यांक छ
