इन्टरनेसनल क्लब कप फुटबल खेल्न मनाङ मर्स्याङ्दी बंगलादेश जाँदै
काठमाडौं, ४ फागुन । इन्टरनेसनल क्लब कप फुटबलमा सहभागी हुन मनाङ मर्स्याङ्दी क्लबको टोली आज बंगलादेश जाँदैछ।
क्लबका २३ खेलाडीसहित ३१ सदस्यीय टोली बेलुकी ५ बजेपछि त्यसतर्फ जान लागेको हो। टोलीलाई अखिल नेपाल फुटबल सङ्घ एन्फा र मनाङ मर्स्याङ्दी क्लबले मंगलबार विदाइ गरेको थियो । फागुन ७ गतेदेखि बंगलादेशको चटगाउँमा हुने प्रतियोगितामा मनाङसहित आठ टोलीको सहभागिता रहने छ।
मनाङ रहेको समूह ‘बी’ मा बङ्गलादेशको चित्तागोङ अवाहानी लिमिटेड, ढाका मोहमदेन स्पोर्टिङ क्लब र शाहीन अस्मायी एएफसी अफगानिस्तान छन्। समूह ‘ए’मा ढाका अवाहानी लिमिटेड, एफसी अल्गा किर्गिस्तान, पोचेन सिटिजन साउथ कोरिया र टिसी स्पोर्टस क्लब माल्दिभ्स छन्। मनाङले पहिलो खेल फागुन ८ गते बंगलादेशकै मोहमेदेन स्पोर्टिङ क्लबसँग खेल्नेछ।
