धनकुटामा यस वर्ष करिब २५ करोड रुपैयाँ बराबरको सुन्तला उत्पादन
धनकुटा, फागुन ७ । धनकुटामा यस वर्ष करिब २५ करोड रुपैयाँ बराबरको सुन्तला उत्पादन भएको छ ।
यो उत्पादन गत वर्षभन्दा करिब १५ प्रतिशतले बढी हो । गतवर्ष २२ करोड रुपैयाँ बराबरको मात्र सुन्तला उत्पादन भएको थियो ।
७ सय ७५ हेक्टरमा गरिएको खेतीबाट ३ हजार ७ सय ७० मेट्रिक टन सुन्तला उत्पादन भएको हो ।
रोग किराको कम प्रकोप र मौसम अनुकूल भएकाले धनकुटा नगरपालिका, खोकु, छिन्ताङ, मौनावुधुकलगायतका क्षेत्रमा बढी सुन्तला फलेको जिल्ला कृषि विकास कार्यालयका प्रमुख भरतप्रसाद विडारीले जानकारी दिए ।
उत्पादित सुन्तला धरान, इटहरी, विराटनगर, काठमाडौं तथा भारतसम्म निर्यात भएको कार्यालयले जनाएको छ ।
