१५०० दर्शक माझ धनकुटाको हिलेमा उत्कृट १३ नेपाली डकूमेन्ट्रीहरु प्रदर्शन गरियो
धनकुटा खबर, चैत १ । १४ औं अन्तराष्ट्रि पर्वतिय महोत्सवको अवसरमा धनकुटाको हिलेमा उत्कृट १३ नेपाली डकूमेन्ट्रीहरु २ दिन सम्म प्रदर्शन गरिएको छ । सन् २०१६ डिसेम्बरमा काठमाण्डू ईनटरनेशनल माउण्टेन फिल्म फेष्टिभल (किम्फ)को सम्पन्न १ सय २० राष्ट्रका ४६ डकुमेन्ट्री मध्ये उत्कृष्ट १० वटा बृतचित्रहरु निःशुल्क प्रदर्शन गरिएको हो ।
हिमाल एशोशियसन काठमाण्डौको आयोजना, स्थानिय सिर्जनसिल साँस्कृतिक समुह हिलेको संजोजन प्रदर्शन गरिएको वृत्तचित्र १५ सय दर्शकले हेरेको आयोजकले जनाएको छ ।
हिलेको सामुदायीक भवनमा फागुन ३० र चैत १ गते प्रदर्शन गरिएको बृतचित्रहरुमा अ सङ फर बारपाक, बाह्रखरी, लौरी, भुसको लोग्ने,बियोन द ह्वाईट केन,देवकीको खोजिमा,चन्द्र,मेला,राईज एण्ड फल,सिमलको भुवा जस्तै,स्प्टि एन्डस्, मीरा रहेका थिए ।
स्वीस राजदुताबासको आर्थिक सहयोगमा ५ मिनेट देखि ५२ मिनेट सम्मका उल्लेखीत डकुमेन्ट्रीहरु नेपाली समाजमा घटेका घटना र ब्यक्तिहरुको यथार्थ दैनिकीमा आधारित रहेको स्थानिय आयोजक संस्थाका मनेश श्रेष्ठले वताउनुभयो ।
वृत्तचित्र प्रदर्शनी कार्यक्रमको समापनमा वोल्दै उहाँले नेपाली समाजमा जनचेतना फैलाउन र समाजमा नेपाली बृतचित्रको बिकास गर्ने उद्देश्यका साथ प्रर्दशन गरिएको जानकारी दिनुभयो ।
त्यस्तै नेपाल पत्रकार महासंघ धनकुटाका अध्यक्ष राजेश्वर वहादुर श्रेष्ठले वृत्तचित्र प्रर्दशनले विद्यार्थीहरुलाई वृत्तचिको वारेमा ज्ञान हाँसिल भएको वताउदै आयोजक संस्थालाई धन्यवाद ज्ञापन गर्नुभयो । वृत्तचित्र प्रदर्शन समापनको अवसरमा सृजनशिल साँस्कृतीक समूह हिलेले सम्मान स्वरुप हिमाल एशोशियसन सम्मान पत्र प्रदान गरेको छ ।
सन् २००० देखि नेपालका बिभिन्न स्थानहरुमा प्रदर्शन गर्दै आईएको यो बृतचित्र यसपछि अव भोजपुर र खोटाङ्ग दिक्तेलमा प्रदर्शन गरिने जनाईएको छ ।
