पाख्रीबास नगरपालिकालाई आर्थिक टेवा दिन बनभोज स्थल निर्माण
धनकुटा खबर, चैत २६ । पर्यटनको माध्यमबाट नयां नगरपालिकालाई आर्थिक टेवा दिने उदेश्यले धनकुटाको पाख्रीबासमा ५६ लाखको लागतमा रमणीय वनभोज स्थल निर्माण गरिएको छ ।
२०७० सालमा पाख्रीबास बजार सिहत पाँच गाबिस मिलाएर नगरपालिका घोषणा भए संगै उक्त आयोजना शुरु गरिएको माईपुजा सिमसार संरक्षण समितिका अध्यक्ष ज्ञान बहादुर गुरुङले जानकारी दिनुभयो ।
जिल्ला समन्वयन समिति धनकुटा, पाख्रीबास नगरपालिका, गैर सरकारी संस्था सिम नेपाल र बस्ति बिकास केन्द्र काठमाण्डौको सहयोगमा गत बर्षको ३५ लाख लगानी उक्त सिमसार क्षेत्रमा साना,ठूला छ वटा पोखरी,बाटो लगाएतका पूर्वाधारहरु निर्माण गरिएको थियो ।
थप पूर्वाधार निर्माणसंगै आयोजना पुरा गर्न यो बर्ष बस्ति बिकास केन्दको १० लाख, जिल्ला बिकास समिति धनकुटाको ५ लाख, पाख्रीबास नगरपालिको ४ लाख र जिल्ला वन कार्यालयको २ लाख गरी थप २१ लाखको सहयोगमा उक्त योजना पुरा भएको अध्यक्ष गुरुङले जानकारी दिनुभयो ।
अहिले उक्त सिमसार क्षेत्रमा मासिक चार सय भन्दा बढी आन्तरीक तथा बाहिय पर्यटकहरु आउने गरेको समितिले जानकारी दिएको छ ।
१५ रोपनी क्षेत्रफलमा फैलिएको उक्त वनभोज स्थल मार्फत् नगरपालिकामा बार्षिक छ लाख भन्दा बढी पर्यटक भित्रयाउने लक्ष रहेको समितिले जानकारी दिएको छ ।
फोटोः वनभोज स्थल पाख्रीबास धनकुटा
