उत्पादित कृषि उपज बजारिकरण गर्न तेह्रथुममा ९ वटा कृषि सडकको स्तरोन्नती गरिंदै
धनकुटा खबर, चैत ३०,धनकुटा/तेह्थुम । किसानहरुले उत्पादन गरेको कृषि उपजहरुलाई बजार सम्म पुर्याउन सहज बनाउनका लागि उन्नती नेपाल परियोजनाले तेह्रथुम जिल्लाका ९ वटा कृषि सडकको स्तर उन्नती गर्ने भएको छ ।
तस्वीर: धनकुटा र तेह्रथुम जिल्लाको सिमानामा रहेको चित्रे बजार देखि तेह्रथुमको फलेक खण्डमा स्तरउन्नती गरिएको कृषि सडकको एक खण्ड
डेनिस सरकारको कुल ४३ करोड ७४ लाख १५ हजार ७ सय ३३ रुपैंया ९७ पैसाको लागतमा उक्त आयोजना सम्पन्न हुन लागेको हो ।
जिल्लाका बिभिन्न साबिक १२ गाबिसबाट सदरमुकाम र ब्यपारीक मार्गहरु जोड्ने ५६ दशमलव ५२ किमि सडकलाई ईन्जिनेरिङ्ग मापदण्डमा सुधार गरी ग्राभेल गर्न लागिएको कार्यालयले जानकारी दिएको छ ।
सन् २०१६ मे १५ बाट शुरु भएर २०१८ जुन १ सम्ममा सम्पन्न हुने उक्त आयोजनाहरु जिल्लाका साबिक आङ्दिम, दागपा, हमजुङ्ग, ओख्रे, फाक्चामारा, पनचकन्या, सुदाप, फुलेक, बसन्तपुर, सोल्मा, ओयाक्जुङ्ग र मोराहाङ्ग गाबिसमा सम्पन्न हुनेछन् ।
न्युनतम ३ करोड ४१ लाख देखि अधिकतम ७ करोड ९३ लाख सम्ममा सम्पन्न हुने उक्त कृषि सडक आयोजनाबाट गाबिसका ८ हजार ९ सय ८३ कृषक परिवार लाभाम्बित हुने उन्नती तेह्रथुमले जानकारी दिएको छ ।
उक्त सडक आयोजना मध्ये २ सडको १९ दशमलव २१ किमि काम सुचारु रहेको छ भने अन्य ७ सडकहरुको ४६ दशमलव ३१ किमि बाटो निर्माणका लागि टेन्डर प्रकृया सकिएर निर्माण कम्पिनी छनौट चरणमा रहेको कार्यालयका जानकारी दिएको छ ।
निर्माणाधिन सडकहरुमा धनकुटा र तेह्रथुकको सिमानामा रहेको सिधुवा बजार देखि तेह्रथुमको सुक्रबारे बजार सम्मको ९ दशमलव २० किमि बाटो र दुई जिल्ला कै सिमानामा रहेको चित्रे बजार देखि तेह्रथुकको साविक फुलेक गाबिस सम्मको १० दशमलव १ किमि बाटो रहेका छन् ।
सडहकहरु चित्रे–फुलेक ५ करोड २ लाख ६४ हजार ३ सय ९९ रुपैंया ६४ पैसा र सिंधुवा–सुक्रबारे ५ करोड ३ लाख १६ हजार ९ सय ६२ रुपैंया ४९ पैसा गरी कुल १० करोड ५ लाख ८१ हजार ३ सय ६२ रुपैंया १३ पैसाको लागतमा सम्पन्न हुन लागेका हुन् ।
चित्रे–फुलेक कृषि सडकले जिल्लाको साबिक २ गाबिसका ४ हजार ३ सय ३१ कृषक परिवार र सिंधुवा–सुक्रबारे सडक आयोजनाले ७ गाबिसका ८ सय ३६ किसान परिवार लाभामिबत हुने छन् ।
उता चालु आवको अग्रजी तारिख जुन १ बाट योजना शुरु भई जुन २०१८ सम्म काम सक्नेगरी साबिक ७ गाबिसका ७ वटा बाटोको स्तरउन्नतीका गर्न ३७ दशमलव ३१ किमि बाटोको ठेक्का प्रकृया सकिएको कार्यालयले जानकारी दिएको छ ।
३३ करोड ७३ लाख ३४ हजार ३ सय ७ रुपैंया ८४ पैसाको लागतमा सम्पन्न हुने उक्त कृषि सडक सन्जालबाट गाबिसका ३ हजार ८ सय १३ कृषक परिवार लाभाम्बित हुनेछन् ।
उक्त आयोजनाहरुबाट क्रमशः सुदाप र ओख्रेका ९ सय ७१,ओयाक्जुङ्ग ५ सय,सुदाप र मोराहाङ्गका ६ सय,बसन्तपुरका ४ सय ५० र दागपा गाबिसका ४ सय ९५ कृषक परिवार लाभाम्बित हुने कार्यालयका ईन्जिनियर तथा पुर्वाधार बिशेषज्ञ मोहन श्रेष्ठले जानकारी दिए ।
‘आयोजनाका सम्पूर्ण बाटोहरु ईन्जिनेरिङ्ग मापदण्डमा स्तरउन्नती र ग्राभेल हुनेछ’,उनले भने,‘योजना पुरा भएपछि कृषहरुलाई कृषि उपजहरु बजार सम्म ढुवानी गर्न सहजता हुनेछ ।’
अदुवा,अलैची, दुध र चियाको उच्पादनमा बृद्धि,बजार ब्यबस्थापन र ढुवानीमा सहयोग पु¥याउने उदेश्यले सन् २०१४ देखि ०१८ सम्मका लागि पूर्वका बिभिन्न ७ जिल्लाको कृषि क्षेत्रमा डेनिस सरकारले उन्नती परियोजना मार्फत् ७ अर्व बरावरको आयोजना सम्पन्न गरिरहेको छ ।
