रामनवमीको अबसरमा हिलेमा सञ्चालन भएको कार्यक्रमको आयव्यय सार्वजनिक
धनकुटा खबर, वैशाख १६ । रामनवमीको अवसरमा र्सिजनशील साँस्कृतीक समूहले हिलेमा सञ्चालन गरेको कार्यक्रमहरुको आयव्यवय सार्वजनिक गरेको छ ।
समूहले आज यहाँ एक भेलाको आयोजना गरी कार्यक्रमको आयव्यय सार्वजनिक गरेको हो ।
जसअनुसार समूहले रामनवमीको अवसरमा हिले सञ्चालन गरेको रथयात्रामा हिलेका विभिन्न व्यक्तिहरुवाट सहयोग स्वरुप ४१ हजार ८ सय १३ रुपयाँ आम्दानी भएको जनाईएको छ । यो कार्यक्रम सञ्चालनका लागि २२ हजार ८ सय ८० रुपयाँ खर्च भएको कार्यक्रममा जानकारी दिईएको छ ।
रथयात्रावाट संकलित जम्मा सहयोग मध्ये खर्च गरिएको उल्लेखित रकमदेखी वाँकी रहेको १८ हजार ९ सय ३३ रुपयाँ रथकोषमा जम्मा गरिने समूहले जनाएको छ । त्यस्तैगरी समूहले नै आयोजना गरेको १२ औ रामनवमी खुल्ला पुरुष भलिवल प्रतियोगितामा भने १ लाख ९ हजार ९ सय २० रुपयाँ घाटा भएको समूहले जनाएको छ ।
प्रतियोगिताका लागि यहाँका विभिन्न संघ संस्था र व्यक्तिहरुवाट २ लाख १६ हजार ५५ रुपयाँ आम्दानी भएको र २ लाख ८० हजार ९ सय ७५ रुपयाँ वरावर खर्च भएको समूहले जनाएको छ । ४५ हजार रकम भने आउन वाँकी नै रहेको कार्यक्रममा जानकारी दिईएको छ ।
