एमालेको कारण भ्रष्टाचारीहरुको चुनाव लड्ने सपना चकनाचुर
काठमाडौं । ब्यवस्थापिका संसदको बिद्यान समितिले प्रमाणित भ्रष्टाचारी निर्वाचनमा उम्मेद्धार बन्न नपाउने कानुन पारित गरेको छ ।
शुक्रवार बसेको बिद्यान समितिको बैठकले फौजदारी र भ्रष्टाचार कसुरमा सजाय पाएका ब्यक्ति चुनाव लड्न नपाउने कानुन पारित गरेको छ ।
नेपाली कांग्रेसका १९ जना सांसदले सजाय काटिसकेका फौजदारी अभियोगका कसुरदारलाई पनि उम्मेद्धार बनाउन माग गर्दै संशोधन प्रस्ताव राखेका थिए ।
कांग्रेस भित्र भ्रस्टाचारि सजाय पाएका लाइ पनि चुनाब लड्न दिने भन्ने माहोल चलिरहेको बेला मा यतिबेला एकाएक भ्रष्टाचारी निर्वाचनमा उम्मेद्धार बन्न नपाउने कानुन पारित भएको छ ।
वरिष्ठ अधिबक्तासमेत रहेका राधेश्याम अधिकारीसहित १९ जना सांसद प्रमाणित भ्रष्टाचारीले पनि उम्मेद्धार बन्न पाउनु पर्ने माग राखेका थिए ।
तर एमाले सांसदहरुको कडाप्रतिवाद पछि सत्तापक्षका सांसदहरु पछि हटेका छन् । भ्रष्टाचारीले पनि चुनाव लड्न पाउनु पर्ने भन्दै कांग्रेस सांसदले २० साउनमा संशोधन प्रस्ताव राखेका थिए ।
कांग्रेस सांसदका कारण बन्धक बनेको निर्वाचन कानुन शुक्रवार पारित भएको सांसदहरुले बताएका छन् ।
सत्तापक्षिय दल नेपाली कांग्रेस र नेकपा माओवादी केन्द्र भ्रष्टाचारीलाई चुनाव लड्न दिनुपर्ने पक्षमा थिए । तर एमालेले आगमी चुनावमा यही एजेण्डा उठाएर हमला गर्नसक्ने आशंका पाएपछि कांग्रेसका शिर्ष नेताहरु पछि हटेका थिए ।
भ्रष्टाचारको कसुर काटिसकेका नेपाली कांग्रेसका नेता खुमबहादुर खड्का, चिरिन्जीवि वाग्लेले बिद्यान समितिमा निर्वाचन लडन पाउने गरी कानुन बनाउन लविङ थालेका थिए । तर एमाले सांसदहरुका कारण उनीहरुका लविङ औचित्यहिन भएको छ ।
बिधान समितिबाट निर्वाचन कानुन पारित भएको छ । पारित निर्वाचन कानुन शुक्रबारै ब्यवस्थापिका संसदमा लैजाने तयारी गरिएको छ । – गल्फफ्याक्ट ।
