महाभारतका स्थानीयबासी अन्धकारमा बस्न वाध्य !
धनकुटा खबर, भदौ २८ । धनकुटाको सागुरीगढी गाउपालिका वडा नं ८ महाभारतका स्थानीयवासिन्दा अन्धकारमा वस्न वाध्य भएकाछन् ।
विगत एक साता अघि वर्षात सँगै परेको चट्याङ लागेर नं ८ वडा को विद्युत ट्रान्सफर्मर विग्रीएपछि त्यहाँका २ सय ५० भन्दा वढी घरधुरी स्थानीयवासिन्दा अन्धकारमा वस्न वाध्य भएकाहुन् । विद्युत सेवा अवरुद्धहुदा त्यहाँका स्थानीयाई मोवाई चार्ज,व्याट्री चार्ज लगायतका काम गर्न समस्या भएको छ ।
साथै वडा कार्यलयको काम समेत प्रभावित भएको वडाध्यक्ष विनय राईले वताउनुभयो । यता विद्युतवाट सञ्चालन गरिने मिल पनि चलाउन नपाउदाँ व्यवसायमा प्रभाव परेको र सर्वसाधारणलाई सेवा दिन समस्या भएको स्थानीय व्यापारी वाल कुमार राईको गुनासो छ । ट्रान्सर्फमर मर्मतका लागि प्राधिकरण सँग कुरा गर्दा अहिले आफुहरु सँग ट्रान्सर्फमर नभएको र विद्युत सुचारु गर्न अझ १५ दिन भन्दा धेरै लाग्ने प्रधिकरणका कर्मचारी वलवहादुर भण्डारीले वताउनुभएको स्थानीयवासी पदम राईले जानकारी दिनुभयो ।
यो ट्रान्सर्फमर करिव ४ महिना अघि मात्र फेरिएको थियो । भौगोलिक धरातल उच्च भएको ठाउँमा ट्रान्सिमिटर राखीनु लगायत अन्य प्राविधिक कारणले त्यहाँको ट्रान्सिमिटर पटक पटक चट्याङले हान्ने गरेको छ । यो सम्म सो ट्रान्सर्फमर विग्रेको ५ पटक भईसकेको पदम राईले वताउनुभयो ।
