‘छुकछुके रेल’मा बबाल नृत्य (भिडियो सहित)
पछिल्लो पटक नेपाली गीत संगीतमा फरकपन,फरक स्वाद पस्किने होडनै चलेको छ । देश-बिदेशमा आयोजना हुने विभिन्न मेला महोत्सवमा स्टेज तताउने खालका गीतको माग अनुसार गीतकार तथा संगीतकारहरुले यतिबेला आफ्ना सृर्जनाहरुमा परिस्कृत गरिरहेका छन् ।
यसकै निरन्तरता स्वरुप एस.आर.एस. इन्टरटेन्मेंटको ब्यानरमा गायिका:रमिला ग्याङग्मी मगरको आवाज रहेको “छुकछुके रेल” बोलको गीतको भिडियो सार्वजनिक भएको छ। शुक्रबार राजधानीमा एक भब्य समारोह बिच पत्रकार सम्मेलन गरेर गीतको भिडियो सार्वजनिक गरिएको हो ।
अनिल मानन्धरको छाँयाकँनमा, सुप्रिम पराजुलीद्वारा सम्पादित अनि बिकाश सुबेदीको निर्देशन रहेको उक्त भिडियोमा अहिलेको ब्यस्त अनि चर्चित गितकार डि.पी खनालको शब्दमा,धनु ग्याङमीको संगीत र उदयराज पौडेलको एरेन्ज रहेको छ,भने नृत्य तर्फ भारतिय रियालिटी सो डान्स इन्डिया डान्सका प्रतियोगी सुनिल क्षेत्री तथा उनको टिम ‘नेपाली ठीटोजको रहेको छ । बलिउडमा आफ्नो ट्यालेन्ट देखाई सकेका सुनिल क्षेत्री अबभने आफ्नै देशमा आफ्नो प्रतिभालाई देखाउने तरखरमा रहेको बताउँछन्।
क्षेत्रीको कोरियोग्राफी र उनको टिमको नृत्यकला साराहनिय छ।
“छुकछुके रेल”बोलको गीतमा मोडल तथा अभिनेत्री माला लिम्बुको साथमा सुनिल छेत्री तथा नेपाली ठीटोज टिमको डान्स हेर्न सकिन्छ । गीति भिडियो सार्वजनिक कार्यक्रममा सुनिल छेत्री तथा नेपाली ठीटोज टिमले लाईभ डान्स देखाएर उपस्थित सबैलाई चकित परेका थिए ।
छुकछुके रेलको अफिसियल भिडियो हेर्नुहोस:
