राष्ट्रिय जनता पार्टीले चेतावनी दिएलगत्तै प्रधानमन्त्री दाहालले छलफलका लागि बोलाए बालुवाटार
काठमाडौं, वैशाख १४ – प्रधानमन्त्री पुष्पकमल दाहालले राष्ट्रिय जनता पार्टीका शीर्ष नेतासँग छलफल गरिरहनुभएको छ । प्रधानमन्त्रीको सरकारी निवास बालुवाटारमा चलिरहेको बैठकमा राजपाको अध्यक्ष मण्डलका महन्थ ठाकुर, शरतसिंह भण्डारी, राजेन्द्र महतो, महेन्द्रराय यादव, अनिल झा लगायत नेता सहभागी हुनुहुन्छ ।
सरकारले मधेसी मोर्चासँगको सहमति तोडेर स्थानीय तहको संख्या बढाउने निर्णय फिर्ता लिएपछि आन्दोलनमै फर्किने राजपाका नेताहरुको चेतावनीपछि प्रधानमन्त्री दाहालले नेताहरुसँग छलफल गर्नुभएको हो ।
बैठकमा उपेन्द्र यादव नेतृत्वको संघीय समाजवादी फोरम नेपाललाई पनि बोलाईको तर पार्टीबाट कोही पनि सहभागी नभएको प्रधानमन्त्री दाहालको निजी सचिवालयले जनाएको छ । यसबारेमा छलफल गर्न राजपाको अध्यक्ष मण्डलको बैठक बिहीबार बस्दैछ ।
