एमालेको संशोधन बिधेयक बिरुद्दको अडानसँग हार खायो कांग्रेस, भन्यो- “एमाले बिना अब संविधान संशोधनमा अघि बढ्न सकिन्न”
काठमाडौं, १७ बैशाख । नेपाली काँग्रेसले एमालेलाई पाखा लगाएर संसोधनमा अघि बढनु गल्ती भएको स्वीकारेको छ ।
नेपाली काँग्रेसले प्रमुख प्रतिपक्षी नेकपा एमालेलाई सहमतिमा ल्याएर संविधान संशोधन प्रस्ताव पारित गर्न हरसम्भव प्रयास गर्ने भएको छ ।
पार्टी संसदीय दलको आइतबार सिंहदरबारस्थित पार्टी संसदीय दलको कार्यालयमा बसेको बैठकले एमालेलाई समेत सहमतिमा ल्याएर संविधान संशोधन प्रस्ताव पारित गर्न अधिकतम पहल गर्ने निर्णय गरेको हो ।
बैठकले संविधान जारी गर्न महत्वपूर्ण भूमिका निर्वाह गरेको एमालेलाई पनि सहमति ल्याएर संविधान संशोधन गर्न सबैभन्दा उत्तम विकल्प हुने निष्कर्ष कांग्रेसले निकालेको हो ।
सबै दललाई सहमतिमा लिएर संविधान संशोधन प्रस्ताव पारित गर्न अधिकतम पहल गर्ने निर्णय पनि काँग्रेसले गरेको छ । राजनितीक विश्लेषकहरुले एमालेबिना कांग्रेस अहिले संसोधनमा जान डराएको र एमाले बिना अघि बढ्न सकिदैन भन्ने महसुस गरेको बताएका छन् ।
