नेकपा एमालेले आयोजना गरेको घरदैलोमा कांग्रेसका कार्यकर्ता घूसेर खुकुरी हानाहान, चार जना घाइते
काठमाडौं । स्याङजाको चापाकोट नगरपालिका ६ स्थित धारापानीमा एमालेले आयोजना गरेको घरदैलो कार्यक्रममा कांग्रेस कार्यकर्ताले खुकुरी प्रहार गरेका छन् । खुकुरी प्रहारबाट चार जना एमाले कार्यकर्ता घाइते भएका छन् ।
उनीहरुको चापाकोट सामुदायिक अस्पतालमा उपचार भइरहेको बताइएको छ । घाइते खनाल एमालेको तर्फबाट वडा नम्बर ६ को अध्यक्षका उम्मेदवार पनि हुन् ।
चापाकोट नगरपालिका ६ को धारापानिमा घरदैलो कार्यक्रम गरिरहेका एमालेका कार्यकर्तामाथि कांग्रेस कार्यकर्ताले आक्रमण गरेका हुन् । घाइते हुनेहरुमा स्थानीय डिल्लीराम खनाल, सुनबहादुर थापा, पदम विक र बेलबहादुर विक रहेका छन् ।
उनीहरुको चापाकोट सामुदायिक अस्पतालमा उपचार भइरहेको बताइएको छ । घाइते खनाल एमालेको तर्फबाट वडा नम्बर ६ को अध्यक्षका उम्मेदवार पनि हुन् ।
प्रहरीले कांग्रेस कार्यकर्ता धीरज खाँडलाई खुकुरीसहित पक्राउ गरेको छ । एमाले कार्यकर्ताले खुकुरीको खोल लगेर प्रहरीलाई बुझाएपछि मात्र प्रहरीले नांगो खुकुरीसहित खाँडलाई पक्राउ गरेको इलाका प्रहरी कार्यालय रत्नपुरले जनाएको छ ।
