प्रचण्डको गृह जिल्ला पुगेर ओलीले भने, “नाम्लो लगाएर बोक्नेहरुलाई के भनौं र खै ?”
चितवन, २८ वैशाख । प्रमुख प्रतिपक्ष नेकपा एमालेका अध्यक्ष केपी शर्मा ओलीले सत्तारुढ दल कांग्रेस र माओवादीका नेताहरु विदेशीका अगाडी लम्पसार परेको आरोप लगाएका छन् । बिहिवार आज चितवनको भरतपुर महानगरपालिकामा चुनावी सभालाई सम्बोधन गर्दै अध्यक्ष ओलीले यस्तो आरोप लगाएका हुन् ।
आक्रामक रुपमा प्रस्तुत भएका ओलीले माओवादी –कांग्रेस गठवन्धनतर्फ संकेत गर्दै ओलीले कांग्रेसले नाम्लो लगाएर माओवादी बोकेको बताएका छन् । उनले भने ‘नाम्लो लगाएर बोकेकाहरुलाई के भनौं र खै ?’
त्यस्तै बाँदरमुढे घटनाका घाइते यही छन्, हजुरआमा भेट्न आउँदा टाँडीमा जलाइएका कृष्ण अधिकारीकी आमा अझै अस्पतालमै छिन, माओवादीको भाटा खाएका कांग्रेस कार्यकर्ताका ढाँडमा अझै सुम्लाका डाम छन् ।’
