विप्लव नेतृत्व माओवादी कार्याकर्ताले चितवनको विभिन्न ठाउँमा बम राखेपछि…
चितवन । बिप्लप नेतृत्वको नेपाल कम्युनिष्ट पाटिले भरतपुरको बिभिन्न ठाउँमा राखेको बम नेपाली सेनाले निष्कृय गराएको छ ।
भरतपुरको केन्द्रिय वस टर्मीनल पछाडी कांग्रेस सम्पर्क कार्यालय नजिक भेटिएको प्रेसर कुकर वम र चितवन मेडिकल कलेज अगाडीको सडकमा राखिएको बम नेपाली सेनाको बम डिस्पोजल टोलीले डिस्पोज गरेको हो ।
डिस्पोजका पस्चात साढे २ लिटरको कुकरमा ढुंगा,वालुवा र तार भरेर राखेको भेटिएको र अर्को स्र्टीलको सानो आकारको ट्यामीमा तारहरु र केही पटकाहरु राखिएको भेटिएको चितवनका प्रहरी प्रमुख दिपक थापाले जानकारी दिए ।
बम नक्कली भएको उनी बताउँछन् । बोरामा खतरा लेखेको भेटिएपछि सेनाको डिस्पोजल टोलीले सो क्षेत्र घेरा हालेर सुरक्षितका साथ डिप्पोज गरेको हो । सो खतरा लेखिएको वस्तु राख्नमा संलग्नहरु पहिचान भैसकेको चितवनका प्रहरी प्रमुख दिपक थापाले जानकारी दिए ।
उनले सो कार्यमा संलग्न विप्लव समुहका नारायण न्यौपाने,अटल श्रेष्ठ, विलोचन शर्मा ,विमल पौडेल,नवराज पौडेललाई प्रहरीले खोजी गरिरहेको वताए ।
निर्वाचन विरोधी गतिविधिमा संलग्न विप्लव नेतृत्वको नेपाल कम्युनिष्ट पार्टीका २३ जनालाई चितवन प्रहरीले नियन्त्रणमा लिएर मुद्धा चलाइसकेको छ ।त्यस्तै नेपाल कम्युनिष्ट पाटिले गरेको नेपाल बन्दको प्रभाव चितवनमा पनि परेको छ । बजार तथा कलकारखाना सबै बन्द छन् भने सवारी साधन पनि चलेका छैनन् । बजार र राजमार्गमा शुरक्षा ब्यवस्था भने कडा पारिएको छ ।
निर्वाचनको पुर्व सन्ध्यामा गरिएको बन्दले सुरक्षा ब्यवस्थालाई चुनौति दिएको छ – न्यूज24बाट
