‘ल्याईदिऊला तिलहरी’- साइँली पछि कालीप्रसाद बास्कोटाको अर्को मार्मिक गीत सार्वजनिक (भिडियो सहित)
साइँली गीतको अपार सफलतापछि लेखक तथा संगीतकार काली प्रसाद बास्कोटाको अर्को मार्मिक गीत तिलहरी सार्वजनिक भएको छ । साइँली गीतमा जस्तै यो गीतमा पनि नेपाली समाजमा वैदेशिक रोजगारीले निम्त्याएका विविध दुख, अप्ठ्यारा र पारिवारीक रोदनलाई मार्मिक ढंगले प्रस्तुत गरिएको छ ।
आफूसँग भएको जेजे छन् ती सबै बेचेर परदेशको बाटो लाग्न बाध्य नेपाली युवाको कष्टकर जीवनलाई सुन्दर शब्दमा ढालेर प्रस्तुत गरिएको गीत तिलहरीमा नेपाली समाजको अनि नेपालीको वास्तविकता चित्रण गरिएको छ । गीतमा गायक मनिष ढकालले स्वर दिएका छन् ।
गीतको म्युजिक भिडियोमा कामेश्वर चौरासिया र लक्ष्मी बर्देवाको मन छुने अभिनय देख्न सकिन्छ । भिडियोको निर्देशन भने निकेश खड्काले गरेका छन् ।
