धनकुटामा असार १५ को कार्यक्रम १७ मा मनाईने
धनकुटा खबर, असार १५ । धनकुटामा यो वर्ष असार १५ गते अर्थात आज सम्म करिव १० प्रतिशत मात्र धान रोपाई भएको छ ।
गत वर्षको तुलनामा यो करि आधा भन्दा धेरै प्रतिशतले कम हो । यो वर्ष स्थानीय तहको निर्वाचन यतिवेला भएको कारण पनि थोरैरोपाई भएको जिल्ला कृषी विकास कार्यलयले जनाएको छ ।
जिल्लामा यही अवधिमा गत वर्ष २० देखी ३० प्रतिशत धान रोपाई भएको थियो । यसैवीच आज असार १५ गते जिल्ला कृषी विकास कार्यलय धनकुटाले कुनै औपचारिक कार्यक्रम गरेन ।
यसअघिका वर्षहरुमा धान रोपाई लगायतका औपचारिक कार्यक्रम गर्दै आएको कार्यलयले यो वर्ष स्थानीय तहको निर्वाचनको कारण त्यस्ता कार्यक्रम नगरेको जनाएको छ ।
आजको कार्यक्रम पर्सि १७ गते धान रोपाई गरी असार १५ मनाईने जनाईएको छ ।
