उपत्यकाको स्थानीय तहको चुनावमा तरंग ल्याएका विवेकशील नेपाली दल र साझा पार्टीबीच एकीकरणको घोषणा
काठमाडौं, ११ साउन । उपत्यकाको स्थानीय तहको चुनावमा तरंग ल्याएका विवेकशील नेपाली दल र साझा पार्टीबीच एकीकरण भएको छ ।
नेपालको राजनीतिमा बैकल्पिक शक्तिको एजेन्डा लिएका उनीहरुले राजधानीको बानेश्वरस्थित एक पार्टी प्यालेसमा आज पत्रकार सम्मेलनको आयोजना गरी दुई एकीकरणको घोषणा गरेका हुन् ।
पार्टी एकीकरणसम्बन्धी सम्झौतामा विवेकशील नेपाली दलका अध्यक्ष उज्वल थापा र साझा पार्टीका संयोजक रविन्द्र मिश्रले हस्ताक्षर गरेका छन् । एकीकरण पछि पार्टीको नाम विवेकशील साझा पार्टी राखिएको छ ।
पार्टी सञ्चालनका लागी केन्द्रीय संयोजक समिती बनाउने, साझाका अध्यक्ष मिश्र र विवेकशीलका अध्यक्ष थापाको सामुहिक नेतृत्वमा पार्टी चल्ने प्रारम्भिक सहमती भएको साझा पार्टीका प्रबक्ता सुर्यराज आचार्यले जानकारी दिए । पार्टीको झण्डा, केन्द्रीय कमिटी संख्या र चुनाव चिन्हका बिषय पछि छलफल गरी टुंगोमा पुगिने आचार्यले बताए ।
