आर्मी ड्रेसमा उत्रेका चीनियाँ राष्ट्रपतिले भने,- युद्धका लागि तयार होउ
रोयटर्स / डोकलाममा जारी तनावबिच चीनियाँ सेनाले आइतबार शक्ति प्रदर्शन गरेको छ । जनमुक्ति सेनाको स्थापना भएको ९० वर्ष पूरा भएको मौकामा सुदूर उत्तरी चीनस्थित एक सैन्य बेसमा निकै ठूलो मिलिटरी परेड निकालियो । यसमा नयाँ एड्भान्स फाइटर जेट्सदेखि चीनियाँ सैन्य समूहले भाग लियो । राष्ट्रपति शी जिनपिंग पनि यो कार्यक्रममा उपस्थित थिए । उनले चीनियाँ सेनालाई ‘युद्धको लागि तयार रहन’ आग्रह गरे ।
न्यूज एजेन्सीका अनुसार जिनपिंगले सैन्य समूहलाई यस्तो प्रकारले निरिक्षण गरेको यो पहिलो घटना हो पनि सैन्य ड्रेसमा । सन् १९४९ को कम्युनिष्ट आन्दोलनपछि १ अगस्टमा मनाइने आर्मी डे दुई दिन पहिले नै मनाइएको यो पहिलो घटना हो । ट्याङ्क, गाडीमाथि लगाइएको न्यूक्लियर मिसाइल, पारम्परिक फाइटर जेट्सदेखि अत्याधुनिक जे २० स्टेल्थ विमान उक्त मिलिटरी परेडमा समावेश भए ।
स्मरण रहोस्, चीनमा संसारभरीको सबैभन्दा ठूलो थल सेना छ । चीन अहिले आफ्नो सेनाको आधुनिकीकरणमा जुटेको छ । यसै क्रममा चीनले आफ्नो थल सेनाको संख्या घटाएर प्राविधिक विकासमा जोड दिने निर्णय गरेको छ । उता, डोकलाम सीमामा करिब दुई महिनादेखि भारत र चीन आमने–सामने छन् ।
न्यूज एजेन्सी सिन्ह्वाका अनुसार सेनाको निरिक्षणपश्चात् शी जिनपिंगले जनमुक्ति सेनालाई युद्धको तयारीलाई आफ्नो एकमात्र र आधाभूत क्षेत्र बनाउनुपर्ने सुझाव दिए । राष्ट्रपतिले भने, ‘फोकस सधैं युद्धको तयारीमा हुनुपर्छ ता कि उनीहरु आफूलाई विशिष्ट र अति शक्तिशाली सेनामा परिवर्तन गर्न सकून् जो लडाईंका लागि मात्र तयार नभई जीत हाँसिल गर्न सक्षम होस् ।’
राष्ट्रपतिले आफ्ना अधिकारी र सैनिकलाई सेनालाई राजनीतिक रुपमा जागरुकता बनाउन र परिवर्तनमार्फत फौजलाई बलियो बनाउनुपर्ने अपिल गरेका छन् । एजेन्सी
