चितवनको भरतपुर १९ मा साउन २० गते पुनः निर्वाचन गराउने सहमति, अब निर्वाचन कार्यालयले प्रक्रिया अघि बढाउने
चितवन, साउन १७ । चितवनको भरतपुर महानगरपालिकाको वडा नम्बर–१९ मा यही साउन २० गते पुनः निर्वाचन गराउने सहमति भएको छ ।
मंगलबार चितवन निर्वाचन कार्यालयले बोलाएको सर्वदलीय बैठकमा आगामी २० गते निर्वाचन गर्ने सहमति भएको हो ।
दलहरुबीचको सहमतिअनुसार अब जिल्ला निर्वाचन कार्यालयले निर्वाचनको प्रक्रिया अघि बढाउनेछ ।
स्थानीय तह निर्वाचनअन्तर्गत् गत वैशाख ३१ गते सम्पन्न निर्वाचनको मतगणनाकाक्रममा माओवादी केन्द्रकी उम्मेदवार रेणु दाहालका प्रतिनिधिले मतपत्र च्यातेका थिए ।
मतपत्र च्यातेको विवाद सर्वोच्च अदालतमा पुगेकोमा अदालतले पुनः मतदान गराउन आदेश दिएको थियो ।
