भरतपुरमा जारी मतगणना अब अन्तिम चरणमा, यस्तो छ पछिल्लो मतपरिणाम…
भरतपुर, २१ साउन । चितवनको भरतपुर महानगरपालिकामा जारी मतगणना अन्तिम चरणमा पुग्दा माओवादी केन्द्रकी मेयर उम्मेदवार रेणु दाहालले अग्रता लिएकी छिन् ।
निर्वाचनन अधिकृतको कार्यालयले दिएको पछिल्लो जानकारी अनुसार रेणुले ४२ हजार ७ सय ४४ मत प्राप्त गरेकी छिन् । एमालेका देवी ज्ञवालीले ४२ हजार ६ सय ४५ मत प्राप्त गरेका छन् ।
मतगणना राती १० बजेसम्म सकिने निर्वाचन अधिकृतको कार्यालयले जनाएको छ । मतगणना स्थलमा विभिन्न दलका कार्यकर्ताको भीड लागेको छ ।
