विप्लव नेतृत्व पार्टीका ४५० जना कार्यकर्ताद्वारा पार्टी परित्याग
भक्तपुर, साउन २२ । नेत्रविक्रम चन्द नेतृत्व गरेको नेपाल कम्युनिष्ट पार्टीका ४५० जना नेता तथा कार्यकर्ताले संयुक्त रुपमा पार्टी परित्याग गरेका छन् ।
भक्तपुरस्थित रफत सञ्चार क्लबमा आज पत्रकार सम्मेलन गरी उनीहरुले पार्टी परित्याग गरेको घोषणा गरेका हुन् ।
जनयुद्धको लक्ष्य विपरित पछिल्लो समय नेतृत्वले मनोगतवादी चिन्तन, अकर्मण्यतावाद, गोलचक्करवादी कार्यदिशा अंगिकार गरेको ठहर गर्दै उनीहरुले पार्टी परित्याग गरेको जनाएका छन् ।
अखिल नेपाल क्रान्तिकारी निर्माण मजदुर संघका केन्द्रीय संयोजक युवराज आचार्यले अमूर्त दिशाहीन आन्दोलनले मुलुक अघि बढ्न नसक्ने निष्कर्षसहित आफूहरुले पार्टी परित्याग गरेको जानकारी दिए ।
