एक भिक्षुणीलाई बलात्कार गरेको अभियोगमा भारतीय बाबा राम रहिमलाई १० वर्षको जेल सजाय – भिडियो सहित
नयाँ दिल्ली, १२ भदौ । डेरा सच्चा सौदाका प्रमुख तथा भारतका विवादित बाबा गुरमित राम रहिम सिंहलाई १० वर्षको जेल सजाय सुनाइएको छ । एक भिक्षुणी (साध्वी)लाई बलात्कार गरेको अभियोगमा पञ्जाव–हरियाणा उच्च अदालतले राम रहिमलाई १० वर्षको जेल सजाय सुनाएको हो । सन् २००१ मा एक साध्वीले आफूमाथि बाबाले बलात्कार गरेको भन्दै प्रधानमन्त्री कार्यालय र अन्य सरकारी निकायलाई पत्र पठाएकी थिइन् । सोही पत्रमाथि गरिएको अनुसन्धानका अनुसार बाबा राम रहिम दोषी ठहराइएका थिए । भारतको केन्द्रीय अनुसन्धान ब्यूरो (सीबीआई)को अदालतले बाबा रहिमलाई दोषी ठहर गरेको थियो । एजेन्सी
