६ पार्टी एकीकरणको राजपा नेपालमा उमेद्बारका आकांक्षी धेरै, उम्मेदवार छान्न अझै तीन दिन लाग्ने
काठमाडौ, १४ भदौ । स्थानीय तह तेस्रो चरणको निर्वाचनका लागि राष्ट्रिय जनता पार्टी नेपाल राजपाले उम्मेदवार छान्न अझै तीन दिन लाग्ने बताएको छ । पर्सि १६ गतेसम्म जिल्लाबाट उमेद्बारको नामावली केन्द्रमा आइसक्ने राजपाका महासचिव केशव झाले जानकारी दिए ।
सबै स्थानीय तहमा उमेद्बार छान्ने अधिकार जिल्ला पार्टीलाई नै दिइएको छ । जिल्लाबाट नामावली आएलगत्तै भोलिपल्ट नै पार्टीले उमेद्बारको अन्तिम टुंगो लगाउने महासचिव झाले भनाई छ ।
६ वटा पार्टी एकीकरण भएका कारण राजपा नेपालमा उमेद्बारका आकांक्षी धेरै रहेकोले राजपाले अहिलेसम्म उम्मेदवारेको अन्तिम टुंगो लगाउन सकेको छैन् । त्यसैको व्यवस्थापनका लागि राजपाले विशेष समिति बनाएर जिल्लामा खटाएको छ ।
राजपाले आवश्यकता हेरेर अन्य दलसँग तालमेल गर्ने र त्यसको निर्णय गर्ने अधिकार पार्टीको जिल्ला तहलाई नै दिएको जनाएको छ । एक महानगर, ३ उपमहानगर, ७३ नगरपालिका र ५९ गाउँपालिका गरी १ सय ३६ स्थानीय तहमा आगामी असोज २ गते निर्वाचन हुँदैछ ।
