यस्तो छ भेडेटार स्थित रमणीय नमस्ते झरना – हेर्नुहोस् भिडियो
पूर्वको प्रमुख पर्यटकीयस्थल धनकुटाको सागुरीगढी गाउँपालिका भेडेटार स्थितको सिम्सुवा नमस्ते झरना भेडेटारभन्दा आठ किलोमिटर टाढा सिम्सुवामा रहेको करिब ८० मिटरको झरना हेर्न आउने आन्तरिक पर्यटकको सख्या वढ्दै गएको छ । धनकुटा, झापा, मोरङ, सुनसरीलगायतका जिल्लाबाट हरेकवर्ष ठूलो संख्यामा मानिसहरु नमस्ते झरना हेर्न पुग्ने गरेका छन् । यो झरना करिव ५० मीटर माथिबाट खस्दछ । यो झरना हेर्न जति नजिक गयो त्यति हराउदै जान्छ कारण यो अग्लो ठाउँबाट झर्ने र त्यसको आसपासमा रुखपातहरु बढेर छेल्ने भएकोले दृश्य नजिकबाट त्यति देखिन्दैन । यहाँ दैनिक पश्चिम भारतको वंगाल, विहार लगायत पूर्वी नेपालका हजारौ पर्यटकहरु आउने गरेका छन् । गत आर्थिक वर्षदेखी यस क्षेत्रमा आउने पर्यटकलाई लक्षित गर्दै झरनावाट नाम्जे आत्मा घर सम्म जोड्ने पदमार्ग पनि निर्माण गरिदै गरेको झरना व्यवस्थापन समितिका अध्यक्ष दिलिप लिम्वुको भनाई छ ।
