यी हुन नरभक्षी जोडी जस्ले ३० जनालाई मारेर खाए
रुसमा एक विवाहित जोडीले ३० जना मानिसलाई मारेर खाएको अपराध कबुलेका छन् । कारागारमा रहेको यो जोडीले १८ वर्षपछि आफ्नो अपराध स्वीकार गरेको हो ।
रुसको क्रसनोदर सिटीमा बस्ने दिमित्री बाकशाएब र उसकी पत्नी नतालिया दुवै नरभक्षी थिए । उनीहरू मानिसलाई मारेर मासु घरको फ्रीजरमा राख्थे अनि धेरै दिन लगाएर खान्थे । उनीहरूले मान्छेको मासुको अचार नै बनाएर राखेका थिए ।
दिमित्री र नतालियालाई सन् १९९९ मा मान्छे मारेको आशंकामा पक्राउ गरिएको थियो ।
उनीहरूको घरमा तलाशी गर्दा आठ मानिसका शरीरका अंग भेटिएका थिए । त्यसबाहेक उनीहरूको फ्रीजरमा थुप्रो मासु थियो ।
यी सनकी जोडीले मानिसको मासुको अचार समेत बनाएका रहेछन् । प्रयोगशालामा जाँच हुँदा अचार मासुबाटै बनाइएको पत्ता लाग्यो ।
प्रहरी अनुसन्धानबाट नतालिया नर्स भएको पत्ता लाग्यो । उसले शिकार सजिलै पाउने देखियो ।
दुवैजनाका विरुद्ध प्रहरीले धेरै प्रमाण जुटाएको भएपनि उनीहरू आफूलाई निर्दोष बताइरहन्थे । तर अहिले आएर चाहिँ उनीहरूले अपराध कबुले । त्यसो त नतालिया घरमा शव ल्याएर परीक्षण गर्ने गरेको बताउँथिन् ।
सन् १९९९ को सेप्टेम्बरमा दजेरजिंस्कोगो सडकबाट एक महिला हराएको सूचना प्रहरीले पायो । त्यतिखेरसम्म धेरै मानिस हराएको उजुरी प्रहरीले प्राप्त गरिसकेको थियो ।
लामो अनुसन्धानपछि प्रहरी दिमित्रीको घर आयो । प्रहरीले घरमा छापा मार्दा मानव शरीरका अंगहरू र धारिलो हतियारहरू भेटिए ।
प्रहरीले जुटाएको प्रमाणका आधारमा अदालतले दुवैलाई आजीवन कारावास सजाय सुनाएको भएपनि उनीहरूले अपराध कबुलेका भने थिएनन् ।
अहिले आएर चाहिँ उनीहरूले करीब ३० जनाको हत्या गरेर मासु खाएको बताए । एजेन्सी
https://youtu.be/LaBAubGvUG8
