धनकुटाको निशेधाज्ञा कायम, ७ गते सम्म आम हडताल
धनकुटा खबर । धनकुटामा जारी निशेधाज्ञा प्रशासनले केहि खुकुलो पारेपनि आन्दोलनकारीहरुले ७ गते सम्मलाई बिभिन्न एक दर्जन आन्दोलनका कार्यक्रम सहित आम हडताल घोषणा गरेको छ ।
धनकुटामा उत्पन्न परिस्थितको बिषयमा आन्दोलन पक्ष र स्थानिय प्रशासन बीच शुक्रबार भएको बार्ता निश्कर्ष बिहीन टुंगिएपछि आन्दोलनकारीहरुले उक्त संघर्षका कार्यक्रमहरु घोषणा गरेका हुन् ।
धनकुटालाई प्रदेश नं.१ को राजधानी धनकुटालाई बनाउन अभियानका संयोजक सुन्दरबाबु श्रेष्ठको अध्यक्षतामा बसेको संघर्ष समितिले उक्त आन्दोन घोषणाको निर्णय गरेको हो ।
समितिले भोली शनिबार देखि सोमबार सम्म बिहान ५ बजे देखि बेलुका ५ बजे सम्म यातायात, बजार तथा सम्पूर्ण क्षेत्र बन्द हुनेगरी आम हडतालको घोषणा गरेको छ ।
भोली बिहान ११ बजे धनकुटा बजारमा बिरोध ¥याली प्रदर्शन गरी घर–घरमा कालो झण्डा र कालोपट्टी बाँधेर बिरोध जनाउने कार्यक्रम रहेको छ ।
त्यस्तै भोलीबाटै जिल्लाका सबै सरकारी कार्यालयहरुलाई दिउँसो १ बजेदेखि २ बजे सम्म काम नगरी ‘पेन डाउन’ गरेर बस्न अनुरोध गर्ने र जिल्लाबासीको नागरीकता संकलन गरेर स्थानिय प्रशासन मार्फत्् सरकारलाई बुझाउने निर्णय गरिएको छ ।
अबका दिनमा प्रशानले जिल्लाको बिषयमा कुनैपनि निर्णय गर्दा जिल्लाका राजनैतिक दल तथा बिभिन्न संघ ंस्थाका प्रतिनीधिहरु राखेर निर्णय गर्नुपर्ने र प्रशासन घोर भत्सना गरेर भण्डाफोर अभियान चलाउने निर्णय गरेको छ ।
आन्दोलनमा घाईते भएकाहरुको राज्यबाट निःशुल्क उपचारको माग गर्दै समितिले प्रदेश नं. १ का १४ जिल्लामा रहेका माननिय र सरोकारवालाहरु संग छलफल चलाउने भएको छ ।
अबको आन्दोलनमा धनकुटाको थानिय ७ स्थानिय तहलाई आन्दोलनमा सहभागिताको लागि अुरोध गर्ने बताएको समितिले धनकुटालाई सरकारले अस्थाई राजधानी नतोके सम्म धनकुटाका माननियहरुलाई सफथ ग्रहण नगर्न अनुरोध गर्ने पनि निर्णय गरेको छ ।
निशेधाज्ञा जारी रहेपनि त्यसलाई केहि खुकुलो बनाएको प्रशासनले भने आनदोलनकारीहरुको निणृय अनुसार कार्यक्रम निर्णय गरेर जाने प्रमुख जिल्ला अधिकारी प्रेम प्रकास उप्रेतीले जानकारी दिए ।
