स्थापना दिवसको अवसर पारेर नेविसंघ धनकुटाले गर्यो रक्तदान !
धनकुटा खबर । नेपाल विद्यार्थी संघको ४९ औँस्थापना दिवस आज देकशभर विभिन्न कार्यक्रम गरी मनाईएकोछ । स्थापना दिवसको अवसर पारेर नेविसंघ धनकुटा क्याम्पस ईकाई समितिले रक्तदान कार्यक्रमको आयोजना गरेको छ ।
रक्तदान जीवन दान भन्ने मूल नाराका साथ सञ्चालित कार्यक्रममा २९ पाउण्ड रगत संकलन भएको नेवि संघ जिल्ला सभापति वालानन्द दाहालले जानकारी दिनुभयो ।
संघका केन्द्रिय सहमहामन्त्री कृष्ण कार्कीको प्रमुख आतिथ्य तथा क्याम्पस ईकाई समितिका सभापति सरोज धमलाको अध्यक्षतामा सञ्चालित कार्यक्रममा संकलीत रगत विपी कोईराला स्वास्थ्य विज्ञान प्रतिष्ठान घोपा पठाईएको उहाँले वताउनुभयो ।
रक्तदान कार्यक्रममा कंग्रेस नेताहरु दिनेश राई,खेम पौडेल,नेवि संघ केन्द्रिय सदस्य सागर प्रसाई लगायतको उपस्थिती थियो । दिवसकै अवसरमा अन्य स्थानमा शूभकामना आदान–प्रदानलगायतको कार्यक्रम आयोजना गरिएको थियो ।
विक्रम सम्बत २०२७ साल बैशाख ६ गते काठमाडौको स्वयम्भुको सत्तलमा सन्त नेता स्वर्गिय कृष्णप्रसाद भट्टराईले नेपाल विद्यार्थी संघको स्थापना सभाको उद्घाटन गर्नुभएको थियो ।
त्यसयता बैशाख ६ लाई नेविसंघले स्थापना दिवसका रुपमा मनाउँदै आएको छ ।
