आयुर्वेदिक उपचार प्रति विरामीको आर्कषण, धनकुटामा ५ हजार ९ सय ४१ जनाले सेवा लिए
धनकुटा खबर । धनकुटामा पछिल्लो समय आयुर्वेदिक उपचारपद्धति प्रति विरामीको आर्कषण वृद्धी भएको पाईएको छ ।
फल स्वरुप कोशी अञ्चल आयुर्वेद औषधालय धनकुटामा गत आर्थिक वर्षमा ५ हजार ९ सय ४१ जनाले विभिन्न रोगको उपचार सेवा लिएकाछन् ।
औषधालयले गत वर्ष ७ लाख ९४ हजार वरावरको लागतमा विभिन्न कार्यक्रम सञ्चालन गर्दा उल्लेखित संख्याका विरामीले उपचार सेवा लिएका हुन् । यो तथ्यांक अघिल्लो आर्थिक वर्ष २०७३/७४ को तुलनामा औषत ५ प्रतिशतले वढी भएको औषधालय प्रमुख चन्द्र कुमारलाल कर्णले जानकारी दिनुभयो ।
यसरी पछिल्लो समयमा यो उपचार पद्धति प्रति सर्वसाधारणको आकर्षण वढ्नुमा उनीहरुको चेतना तथा शिक्षामा वृद्धी हुनु,आयुर्वेद उपचारको सकरात्मक कुराहरु सर्वसाधारणले वुझ्नु लगायत रहेको प्रमुख कर्णले वताउनुभयो ।
उहाँले यस प्रकारको उपचार पद्धतिले दिर्घकालिन दुष्प्रभाव नहुने, पुरानो रोगलाई वृद्धी हुन नदिने र अन्य असरहरु नगर्ने समेत वताउनुभयो । औषधालयले जेष्ठ नागरिकहरुको स्वास्थ्य रक्षात्मक तथा प्रवद्र्धन कार्यक्रम, स्तन पाई, स्नेह स्वेदन,ल्याव टेष्ट,विद्यालय आयुर्वेद योग शिक्षा, नि:शूल्क स्वास्थ्य शिविर लगायतका कार्यक्रमहरु सञ्चालन गर्दै आएको छ । अघिल्लो आर्थिक वर्ष २०७३/७४ मा औषधालयवाट ८ हजार ५ सय १९ जनाले सेवा लिएका थिए ।
संख्यत्मक हिसावले हेर्दा आर्थिक वर्ष २०७३/७४ मा धेरै विरामीले सेवा लिएको देखीएपनि दुवै वर्षको वजेट, विरामी संख्या र सञ्चालित कार्यक्रमहरुलाई तुलना गर्दा आर्थिक वर्ष २०७४/७५ मा औषधालयवाट सेवा लिने विरामीको संख्या औषत ५ प्रतिशतले वढी रहेको जनाईएको छ । आर्थिक वर्ष २०७३/७४ मा औषधालयले ११ लाख ९५ हजार ९ सय २० रुपयाँ वरावरको कार्यक्रम सञ्चालन गरेको थियो ।
