धनकुटाका कैदिबन्दिको आँखामा बढि संक्रमण, ६३ जनाको आँखामा समस्या देखियो
धनकुटा खबर । जिल्ला कारागार धनकुटामा रहेका अधिकांश कैदिबन्दिको आँखामा समस्या देखिएको छ ।
संविधान दिवशको अवसरमा नेत्रज्योती संघ धनकुटाले मंगलबार धनकुटा जिल्ला कारागारमा गरेको परिक्षणमा ६३ जनामा आँखामा समस्या देखिएको छ ।
चार महिला सहित ७२ कैदिबन्दि रहेको कारागारमा १२ जनालाई चस्मा लिनुपर्ने अवस्था रहेको संघका अध्यक्ष द्रोण गुरागाईले बताउनुभयो ।
अन्य सबैले औषधी प्रयोग गर्नु पर्ने भएकाले औषधी वितरण गरीएको गुरागाईंले जानकारी दिनुभयो ।
बढि संक्रमण भएका १२ जना कैदिबन्दिलाई धनकुटा नगरापालिका ६ मा रहेको आँखा अस्पतालमा जाँच गरी चस्मा निशुल्क उपलब्ध गराईएको छ ।
कार्यक्रममा प्रमुख जिल्ला अधिकारी सिताराम कार्की र जिल्ला समन्वय समितिको संयोजक टंकबहादुर चुवानको उपस्थीती रहेको थियो ।
