चौविसेमा विरामी बढेपछि सर्वसाधारणको स्वास्थ्य जाँच गरियो
धनकुटा । धनकुटाको चौविसे गाउँपालिका २ साविक मुढेवास ९ केरावारीका सर्वसाधारणको आज स्वास्थ्य जाँच गरिएको छ ।
केही दिन देखी त्यस क्षेत्रमा रुघा खोकी, निमोनिया, तथा ज्वरोको विरामी वढेपछि सर्वसाधारणको स्वास्थ्य जाँच गरिएको हो ।
गाउँपालिकाका स्वास्थ्य शाखा र स्थानिय स्वास्थ्य चौकीको संयुक्त पहलमा सञ्चालित स्वास्थ्य जाँचको क्रममा २१ जना मा सामान्य रुघा खोकी तथा ज्वरोको प्रकोप पाईएको छ ।
उनीहरुलाई नियमित औषधि सेवन गर्न र खानपानमा ध्यान दिन चिकित्सकले सुझव दिएकाछन् । स्वास्थ्य जाँच कार्यक्रममा गाउँपालिकाका स्वास्थ्य शाखा अहेव खडा नन्द शाह र स्वास्थ्य चौकी मुढेवासका स्वास्थ्यकर्मीहरुले सेवा दिएका थिए ।
