धनकुटामा संचालित निःशुल्क स्वास्थ्य शिविर सम्पन्न, १७ सय बढीले लिए स्वाथ्य सेवा !
धनकुटा खबर । धनकुटामा संचालन भैरहेको वृहत निशुल्क स्वास्थ्य शिविर सम्पन्न भएको छ ।
धनकुटामा पत्रकार संम्मेलन गर्दै आयोजक समितिले दिएको जानकारी अनुसार स्वाथ्य शिविरमा पथ्रिया,हर्निया हाईडोसिल लगायतका १ सय ३३ मेजर शल्यक्रिया भएको त्यस्तै गाठागुठी, पायल्स, कृतिमहात लगाउने, दाँतका १ हजार १ सय ६३ जनाको उपचार का साथै ५ सय ५१ जनाको अन्य रोग सहित १ हजार ७ सय ४४ जनाको स्वाथ्य परिक्षण गरिएको शिविर आयोजक समितिका सुचना तथा संचार विभाग प्रमुख राजेश्वर बहादुर श्रेष्ठले जानकारी दिनु भयो ।
प्रदेश न १ का सबै जिल्ला र अन्य जिल्लाका गरी २० जिल्लाको विरामीले शिविरमा निशुल्क स्वाथ्य सेवा लिएको आयोजक समितिका सचिब विजयसन्तोषी राईले जानकारी दिनु भयो । स्वाथ्य शिविरमा सहयोग गर्ने सम्पुर्ण कार्यलय, संघ संस्था, व्याक्ति लाई जिल्ला अस्पताल धनकुटाका प्रमुख डा. अभिताब ठाकुरले पत्रकार संम्मेलन मार्फत धन्यवाद दिनु भएको थियो ।
कार्तिक ७ गते देखि सूरु भएको वृहत निशुल्यक शल्यक्रिया स्वास्थ्य शिविरमा विशेषज्ञ अमेरिकन डाक्टरहरुद्धार पत्थरी, पाठेघर, हर्निया, हाईडोसिल, पायल्स, गाठागुठीको शल्यक्रिया, दातको उपचार, कृतिम हात वितरण गरिएको थियो ।
