धनकुटाको जोरपाटी बजार सहित १ सय ५० घर धुरीलाई वितरण गरिएको खानेपानी बन्द
धनकुटा खबर । विद्यमान खानेपानी समस्या समाधानका गर्नका लागि धनकुटाको छथरजोरपाटी गाउँपालिका वडा न २ को जोरपाटीमा रहेको डीप बोरिङ्ग गर्ने मेसिनको मोटर विग्रीए पछि खानेपानी बन्द भएको छ ।
गाउँपालिकाको ६० प्रतिशत र उपभोक्ता समितीको ४० प्रतिशत लगानीमा गत चैतमा बोरिङ्ग मेसिन जोरपाटीमा राखिएको थियो । बोरिङ्ग गरी निकालिएको खानेपानी जोरपाटी बजार सहित अन्य स्थानका करिब १ सय ५० घर धुरीलाई वितरण गरिएको पानी अहिले बन्द भएको छथरजोरपाटी गाउँपालिका वडा न २ का अध्क्षय कृष्ण मगरले जानकारी दिए ।
खानेपानी बन्द भए पछि उपभोक्ताले भने बोरिङ्ग संचालन नगर्दा प्रयोग गरी आएको पानी प्रयोग गरि रहेको मगरले बताए । बिग्रिएको मोटर बनाई छिटो खाने पानी संचालनमा ल्याउन आफूले तारन्तार गरिरहेको समेत उनले बताए । यता गाउँपालिका अध्यक्ष शेरबहादुर लिम्बुले भने आफुले पानी बन्द भएको जानकारी पाए पनि अन्य जानकारी नभएको प्रतिकृया दिए ।
