दशैं तिहार पछि पाख्रीबास भित्रने पर्यटकको संख्या १६ हजार नाध्यो
धनकुटा खबर । पाख्रीवासको पर्यटकीय स्थल श्री संसारीमाई पूजा सिमसार क्षेत्रमा दशैं तिहार यता १६ हजार वढी पर्यटकहरु भित्रीएकाछन् ।
संसारीमाईपूजा सिमसार क्षेत्र संरक्षण समितिले दिएको जानकारी अनुसार कार्तिक र मंशीर दुई महिनामा करिव १६ हजार ५ सय ४१ आन्तरिक पर्यटकहरु त्यहाँ आएका हुन् । जसमध्ये वनभोजका लागि १ हजार ३ सय ४१, वोटिङ वा डुङ्गा शयर गर्ने २ हजार २ सय र घुम्न झण्डै १३ हजार पर्यटकहरु आएको समितिका सदस्य श्याम प्रकाश राईले जानकारी दिनुभयो ।
यहाँ गत मंशीर १० गते वाट डुङ्गा सञ्चालन गरिए सँगै पर्यटक आवागमनको क्रम वढेको हो । सिमसार क्षेत्रमा सिराहा,सप्तरी,झापा,मोरङ्,सुनसरी जिल्ला सहित पूर्व विभिन्न स्थानका पर्यटक आउने गरेकाछन् । यसरी पर्यटक आवागन वढे सँगै उनीहरुको सेवालाई ध्यानमा राख्दै सिमसारक्षेत्रमा रिसोर्ट पनि निर्माण भईरहेको छ ।
दुई महिना पछि सेवा सूचारु गर्ने लक्षका साथ ह्याङ् आउट रिसोर्ट निर्माणको काम जारी रहेको रिसोर्टका म्यानेजर कृष्ण राईले वताउनुभयो ।
