वडाको तर्फवाट जाल्पादेवी माविलाई स्टेचर र विद्यार्थीलाई टिफीन वक्स
धनकुटा खबर । जाल्पादेवी माद्यमिक विद्यालयलाई पाख्रीवास नगरपालिका वडा नं ४ को तर्फवाट विद्यार्थीहरुका लागि टिफीन वक्स र स्टेचर प्रदान गरिएको छ ।
४० औ राष्ट्रिय वालदिवसको अवसरमा पारी वडाध्यक्ष शोवित निरौला सहित वडाका अन्य पदाधिकारीहरु विद्यालय मै पुगेर कक्षा १ देखी ३ सम्मका विद्यार्थीहरुका लागि १ सय थान टिफीन वक्स र एउटा स्टेचर विद्यालयका प्रधानाध्यापक टेक नाथ अधिकारीलाई हस्तान्तरण गर्नुभएको थियो ।
त्यस्तै वडा कै विभिन्न टोल टोलमा ४ वटा स्टेचर पनि वितरण गरिएको वडाध्यक्ष निरौलाले जानकारी दिनुभयो । विद्यालयको कार्यक्रममा वडाध्यक्ष सहित वडा सचिव अन्य सदस्य विद्यालयका शिक्षक विद्यार्थीहरुको उपस्थिती थियो ।
