धनकुटाको पाख्रीबासमा अन्तरमावि टेक्निकल क्वीज, जाल्पा देवीले जित्यो स्वर्ण पदक
धनकुटा खबर, भदौ २९ । राष्ट्रिय बाल दिवस अवसरमा धनकुटाको पाख्रीबास नगरपालिकाद्धारा आयोजित अन्तरमाध्यमिक विद्यालय स्तरिय टेक्निकल क्वीजको स्वर्ण पदक पाख्रिबास नगरपालीकाको वडा नम्वर ४ स्थित जाल्पादेवि माविले जितेको छ ।
पाख्रिबास नगरपालिका भित्रका १० वटा वडाका ११ विद्यालय सहभागिता जनाएको प्रतियोगिता दुई चरणमा सञ्चालन गरिएको थियो । जसअनुसार पहिलो चरणको प्रतियोगितामा ११ मध्ये ६ वटा विद्यालय फाइनलमा प्रवेश गरेका थिए ।
पहिलो चरणको प्रतियोगितावाटै नगरपालिकाको वडा नं ४ को जाल्पादेवि मा वि प्रथम हुँदै स्वर्ण पदक सहित शिल्ड, मेडल, प्रमाण पत्र र १५ नगद हजार पुरस्कार प्राप्त गरेको नगरपालिकाका सुचना प्रविधि अधिकृत महेश प्रधानले जानकारी दिनुभयो ।
प्रतियोगितामा शितला देवि सेकेन्डरी इलिस बोडिंङ स्कुलले दोश्रो हुँदै रजत पदक सहित शिल्ड ,प्रमाण पत्र ९ हजार नगद पुरस्कार प्राप्त गरेको छ । १० नं वडाको श्री भारती मा वि तेश्रो हुँदै कास्य पदक सहित शिल्ड,मेडल,प्रमाणपत्र र नगद ६ हजार प्राप्त गरेको छ ।
प्रतियोगितामा वडा नं ५ को ग्रामिण सामाजिक विद्यालय सान्तावना हुदै शिल्ड ,मेडल र प्रमाण सहित नगद ५ हजार पुरस्कार पाएको छ । प्रतियोगिता पाख्रिबास नगरपालिका प्रमुख वृषवहादुर राईको अध्यक्षतामा सञ्चालन भएकोथियो ।
