रेडियो नेपाल प्रदेश प्रसारण कार्यालय धनकुटामा महासंघको ध’र्ना
विकास घिमिरे, धनकुटा खबर, ५ असोज । नेपाल पत्रकार महासंघ धनकुटा शाखाले आज रेडियो नेपाल प्रदेश प्रसारण कार्यलय धनकुटामा धर्ना दिएको छ । नेपाल पत्रकार महासंघ केन्द्रिय कार्यलयको निर्देशनमा महासंघ धनकुटाले भर्ना दिएको हो ।
रेडियो नेपाल दिपायल प्रसारण केन्द्रमा कार्यरत नेपाल पत्रकार महासंघ डोटी शाखाका उपाध्यक्ष सुनिता रावल, सहसचिव प्रकाश वम र सदस्य चक्र कुँवरलाई विना जानकारी एक्कासी सेवावाट हटाइएको र उनिहरुको सेवाको निरन्तरताका धर्ना बस्नु परेको नेपाल पत्रकार महासंघ धनकुटाका सचिब विदुर खवासले बताए ।
नेपाल पत्रकार महासंघको असोज १ गतेको केन्द्रीय समितिको बैंठकको निर्णय अनुसार रेडियो नेपालका सबै प्रसारण केन्द्रमा असोज ५ गते धर्ना बस्ने कार्यक्रम अनुसार आजको धर्ना कार्यक्रम भएको नेपाल पत्रकार महासंघ धनकुटा शाखाका उपाध्यक्ष नगेनद्र राईले बताए । धर्ना कार्यक्रममा धनकुटा जिल्लाका कृयाशिल पत्रकार हरुको उपस्थिती रहेको थियो ।
