सुरक्षा व्यवस्था चुस्त राख्न ठुलो सङ्ख्यामा जनशक्ति सहित “डग स्नापिङ” (कुकुर) समेत परिचालित
इनरुवा । दसैँको समयमा खुल्ला नाकाबाट धार्मिक आवरणमा आतङ्कवादीहरू भारत तिर छिर्ने जानकारी पाएको एसएसबि सँगै नेपाल प्रहरीले पनि सुरक्षा व्यवस्था चुस्त पार्ने भएको छ ।
सिमाक्षेत्रमा भारतीय सिमासुरक्षा बल (एसएसबि)ले आं तकवादीहरुको घुसपैठ हुनेभन्दै बोर्डर क्षेत्रलाई ’टाइट’ बनाउँदै आएको हो ठुला चाडपर्व र भारतीय पक्षको आग्रहमा सुनसरी प्रहरीले जिल्लाको सुरक्षा व्यवस्था चुस्त राख्न ठुलो सङ्ख्यामा जनशक्ति परिचालित गरेको छ । सुनसरी प्रहरीले अपराधका घटनाहरू हुन नदिनका लागि सादा पोसाकका प्रहरी परिचालन सँगै “डग स्नापिङ” (कुकुर) नसमेत परिचालन गर्ने भएको हो ।
दशैको बेलामा हुने मेला पर्वमा प्रहरीको निगरानी विशेष हुने छ । सुनसरी प्रहरी प्रमुख यज्ञविनोद पोखरेलका अनुसार दसैँ, तिहार र छैठ पर्वसम्मका लागि एक हजार पचास जना सुरक्षाकर्मीहरुलाई एक साथ परिचालन गर्ने रणनीति रहेको छ । चाडपर्वका समयमा रातीसम्म बजार पसल खुल्ला हुनाले त्यो बेला पनि अपराध हुने सम्भावना बढी हुने भएकाले भिडभाड हुने स्थानमा निगरानी र सुरक्षाका लागि परिचालन गरिने पोखरेलले बताउनु भएको छ ।
युनिट सँगै सादा पोसाकका प्रहरीहरू, सेक्युरिटी, सीआरभी, मोबाइल गस्तीसँगै सशस्त्र प्रहरी बलसँग समेत समन्वय गरी संयूक्त रूपमा गस्ती सुरु गरिसकेको छ । जिल्ला प्रहरी कार्यालय सुनसरीले मातहतका ८२ वटा प्रहरी युनिय छन् ।
