अर्गानिक कृषी उपज उत्पादनका लागि धनकुटा नगरपालिकाले भरपुर सहयोग गर्ने
धनकुटा खबर, पौष ११ । धनकुटा नगरपालिकाका प्रमुख चिन्तन तामाङ्ले अर्गानिक कृषी उपज उत्पादनका लागि नगरपालिकाले भरपुर सहयोग गर्ने प्रतिबद्धता व्यक्त गर्नुभएको छ ।
आज देखी धनकुटामा शूरु भएको प्राङ्गारिक उत्पादन तथा बजार व्यवस्थापन सम्बन्धि ५ दिने सैदान्तिक तथा प्रयोगात्मक तालिम उद्घाटन गर्दै उहाँले त्यस्तो प्रतिवद्धता जनाउनुभएको हो ।
धनकुटा नगरलाई अर्गानिक नगर बनाउने उदेश्यका साथ धनकुटा नगरपालीकाको आयोजनामा सञ्चालित तालिममा वोल्दै उहाँले अर्गानिक उत्पादनका लागि बजारको समस्या नभएको समेत वताउनुभयो ।
धनकुटा नगरपालिका ७ स्थित त्रिवेणी स्कुल स्रोतकेन्द्रमा जारी तालिममा प्राङ्गारिक उत्पादन तथा बजार व्यवस्थापनको बारेमा छलफल हुने जनार्इएको छ । तालिमको सहजीकरण प्रमुख प्रशिक्षक कल्पना तिम्सिनाले गरिरहनु भएको नगरपालिकाका आर्थिक शाखा प्रमुख विकास अधिकारीले जानकारी दिनुभयो ।
तालिममा धनकुटा नगरपालिकाका ५,६,७,८,९ नं वडाका २५ जना अग्रज किसानहरुको सहभागिता छ । १,२,३,४ र १० नं वडा का २५ जना कृषकहरुलाई यस अघि नै ५ दिने उक्त तालीम दिइसकिएको नगरले जनाएको छ ।
