विवाह गरेका नायिकालाई खेलाउँदा फिल्म चल्दैन रे ! : रेजिना उप्रेती (भिडियो सहित)
काठमाडौ । नायिका रेजिना उप्रेती अहिले चलचित्रमा भन्दा बढि चलचित्र कलाकार संघको काममा बढी व्यस्त रहेकी छिन । केहि समय अघि नायिकाहरुको सम्मानका लागि भव्य कार्यक्रम समेत आयोजना गरेकी थिईन । आफु चलचित्रमा नायिकाको रुपमा सक्रिय नहुनुको कारण आफ्नो विवाह पनि रहेको बताएकी छिन् ।
रेजिना उप्रेतीको अनुसार जब नायिकाले विवाह गर्छन तब निर्माता निर्देशकहरुले नयाँ नायिका खोज्न थाल्छन जसले गर्दा विवाह गरे पश्चात नायिकाहरु सक्रिय हुन गाह्रो भएको छ । चलचित्र भनेको कन्टेन्टले चल्ने हो तर नेपालमा नायिका र नायकले गरेर चल्ने सोच भएकाले गर्दा नायिकाहरुलाई विवाह पश्चात चलचित्रमा नलिएका हुन् ।
क्यानाडा नेपालसंग कुराकानी गर्दै रेजिना उप्रेतीले आफु चलचित्रबाट हराएको छैन बरु आफु कलाकार भएर योगदान गरिरहेको उल्लेख गरेकी छिन् । रेजिना भन्छिन, “मैले चलचित्र नखेले पनि म चलचित्र छेत्र मै योगदान गरिरहेको छु ।
नेपालमा कन्टेन्टमा भन्दा नायिकामा जोड दिने भएर विवाह भएका नायिका लिंदा चलचित्र चल्दैन भनेर हामीलाई चलचित्रमा लिदैनन् । यहाँ विवाह भएका नायिकालाई बिर्सिएर नया नया नायिका खोज्ने चलन छ जुन भविष्यलाई राम्रो होईन । हाम्रो योगदानको पनि कदर गर्नुपर्छ त्यसैले हामीलाई लिएर राम्रो कन्टेन्टको साथ चलचित्र बनाउनु पर्ने हो तर यहाँ नया नायिका मात्र खोज्ने चलन छ ।”
“मलाई चलचित्रमा देखिने रहर भए अहिले पनि चलचित्रमा नायिका बन्न सक्छु तर त्यसरी आएर न मेरो दर्शक खुशी हुनुहुन्छ न मलाई आत्मसन्तुष्टि नै हुन्छ । म राम्रो कन्टेन्ट लिएर आफूलाई चलचित्रमा प्रस्तुत गर्न चाहन्छु र त्यहि कुर्दै बसेकी छु । आशा गरुम म चाडै नै राम्रो चलचित्र लिएर दर्शक सामु आउनेछु ।”
आफुले चलचित्रमा काम गर्दा धेरै संघर्ष गरेको कुरा सम्झिदै रेजिना भन्छिन, “मैले रोमान्टिक देखि एक्सन रोल सम्म गरेकी छु । हाम्रो समयमा नायिकालाई एक्सन रोलमा काम गर्न गाह्रो हुन्थ्यो तर हामीले धेरै दुख गरेर चलचित्र गर्नेगर्थ्यौ जसले गर्दा आज मेरो हातमा दर्जनौ अवस्मरणीय चलचित्रहरु छन् ।”
